يَارَبِّ بِشُيُوخِنَا # بَلِّغ مَقَاصِدَنَا
وَاغفِرلَنَا مَا مَضَى # يَاوَاسِعَ الكَرَمِ

Dikawitan ku bismillah # dituturkeun ku hamdalah

Seja ngadamel silsilah # bari ngareupkeun barokah

Pondok pasantren Ar-raid # nu Seungit dugi ka langit

Mulasara sanubari # hideup panceug Dina ati

Kalawan Pangersa Bapak # nu gagah tur anu Mulya

Neja ridho anu nyata # Dina ngalanggam Nadzom na

Ti Al-Faqir ka Pangersa # ibu nyai masyrofah

Muka lawang futuh elmu # ka mama faruq tinuju

Lungsur sifat tawaduna # kosong adigung manahna

Nyambung ka Sohibul karomah # masyhurna mama mudrikah

Silah deui ka pang wani # alamna mama syujai

Di didikna saban hari # ku Syekh Muhammad Qurthubi

Mama kidul di Sukabumi # muridna mama syathibi

Laqobna teh mama Gentur # Kade patuker heh dulur

Silsilah nu salajeungna # nyambung ka Tasikmalaya

Ka syekh syujai wastana # raja Alfiyah gelarna

Neras ka syekh Hasan musthofa # guruna kyai Sunda

Nyukcruk Galur ka syekh Abdul # Muhyi nu ziaroh murudul

Ngalap berkah ka Fathul Mu’in # nu migaduh syekh Zainuddin

Urang malibar asalna # fiqih Syafi’i Mazhab na

Wasilah guru Gumelar # nyatana syekh Ibnu Hajar

Di haitam manteuna babar # imam ulama Al-Azhar

Titisana imam Mulya # Al-Faqih imam Zakaria

Nu ngarang asnal matholib # Syarah na raudhotu Tholib

Ibnu Hajar al-asyqolan # lebet Kana jajaran

Guru Mulya tinu Awit # Kitu cek iqdul faridh

Neras ka imam iroqi # muridna imam dailani

Ka keclakan berkah wali # bujangan imam Nawawi

Nyeceub elmu Dimanahna # di syekh ardabil suluk na

Patuh manut ka kalamna # pantes walatra elmuna

Imam Muhammad bin Yahya # di telaah ka luhurna

Ngaji ka imam Ghozali # nu ngahirupkeun agami

Nyanad ka golongan Asy’ari # ngalangkung imam Juwaini

Tepung Sareng syekh abu bakar # yakin moal urang sasar

Ngalap elmu ka maruzi # leber pinuh ku pangarti

Mustajab doa abu Abbas # cetakan syekh anbathi

Silih tali Jeung Muzani # sohabat caket Syafi’i

Sakantenan janteun murid # Kitu ceuk kisah kawarid

Duh !! Baraya duduluran # ulah sieun kasalahan

Yen ta bener kaguruan # hasil pangraksa pangeran

Al-muwattho kagaduhan # imam Malik nu weulasan

Tah kadinya imam Syafi’i # nyuprih pangarti nu Gusti

Sohih sanad ka imam Nafi’ # hiji tabi’in kawanti

Asuhana Ibnu Umar # sahabat rasul munawar